لما تنتهي من مرحلة الدراسة وتتخرج بتخصص مميز ودرجة ممتازة وحماس عالي للوظيفة تستقبلك الحياة بخياراتها الرحبــه والواسعـه.. 🚀
تبدأ الحيرة وتجتمع عليك الاسئلة الكُبرى من وين ابدأ؟ ايش المناسب؟ ايش اختار مسار وظيفي وهل انا فعلا ابغى اتوظف؟!
وفي هذي المرحلة كمان مُتوقع منك امور فوق إمكانياتك. انك تتوظف في شركة معروفة، مسمى وظيفي مميز راتب ممتاز الخ… وكل هذي الضغوط الاجتماعية الأكيد انها شاقة ومتعبه لأنها تحسسك بمسؤولية عالية وحمل ثقيل. 😓
لكن بعد توفيق الله اكيد فيه حلول تختصر عليك عمر ووقت وجهد ومشوار طويل من الإخفاقات والنجاحات، الي هي اولها واهمها تواصلك مع شخص ذو خبرة ومعرفة واطلاع واسع في المجال.
نسميه في مجتمعنا المهني "مُستشار مهني"، يجلس معاك ويسمع منك وبعدها يعطيك نقطة البداية و خلاصة تجربته وخارطة طريق تكتشف من خلالها ذاتك وميولك المهني. والاكيد راح يساعدك تبدأ حياتك المهنية من تطوير مهاراتك وخبراتك إلى ان تكون افضل نسخة من نفسك.👌🏼
المستشار المهني يقدر يساعدك في👇🏼:
📌اكتشاف نفسك اكثر، ايش هي نقاط قوتك وضعفك، يساعدك تتعرف على إهتماماتك ومهاراتك، يشجعك تخرج من منطقة راحتك و تجرب اشياء جديدة من خلال مجموعة متنوعة من التقييمات والتمارين.
📌 تطوير نفسك من ناحية تخصصك، باكتشاف الخيارات الوظيفية المختلفة، ومتطلبات التعلم الإضافية اللي تعزز من خبرتك في التخصص. يزودك بأبرز الشهادات المهنية، ويقترح عليك وسائل تنمية وتطوير تتعرف من خلالها على الجديد واخر ما توصل له العلم. كذلك يقدملك التوجيه والدعم الي يحقق أهدافك التعليمية والمهنية.
📌 التعرف على خيارات العمل المختلفة والمتاحة، عندك أهداف مستقبلية ورؤية طموحة في مجال معين؟ يقدم لك اهم الاستراتيجيات والتوصيات في المجال، يساعدك تفهم سوق العمل ويقارن خبراتك مع الخيارات الموجودة، حتى تتخذ قرارك حول حياتك المهنية.
فلولِس تقدم لك خدمة الاستشارات المهنية الي تساعدك في رحلتك المهنية. حدد هدفك الآن واختر جلستك المناسبة من خلال حجز جلسة استشارية مع أحد مستشارينا المميزين.🚀
و اخيراً، تذكر أن المستشار المهني مجرد وسيلة تساعدك في اكتشاف الطريق الصحيح وأهم مفاتيح النجاح. 🙏🏼
.jpg)
