😞هل سبق وحسيت بالإحباط من أحد مشاريعك، لأنك ما كملت المهمة وفق التوجيهات؟
🕝هل سبق ولقيت نفسك صاحي لوقت متأخر من الليل عشان تكمل حلقة إضافية من مسلسلك المفضل، وانت تعرف ان عندك يوم عمل مزدحم وثقيل؟
😰هل سبق وفاتك موعد نهائي، لانك أجلت الشغل لفترة طويلة؟
واكيد مرت عليك أزمات ومصائب كنت فخور بنفسك على حسن إدارتك وتصرفك، او النقيض تماما تضايقت لعدم قدرتك على ضبط زمام الامور، وفشلت في تحقيق الهدف وتجاوز المحنة. وهنا يجي في بالك اسباب كثير واعذار أكثر!
ايش ما كان جوابك فهو مؤشر يدل على قد ايش تحتاج العمل على إداراتك الذاتية، وهي تعني انك تفهم مسؤوليتك الشخصية في جوانب مختلفة من حياتك، وتعمل على الشيء الي تحتاجه عشان تُنجز هذي المسؤوليات. بالاضافة الى ان تطوير الادارة الذاتية عملية تحتاج الكثير من التعمق والصدق في ذكائك العاطفي، وضبط نفسك، وشخصيتك القيادية لانها تكشف قد ايش عندك تنظيم وسيطرة حقيقية على نفسك.
طيب نجي عند السؤال المهم:
ايش هي المهارات الي لازم تطورها عشان يكون عندك إدارة ذاتية؟
❶ اولا، تكوين صورة واضحة عن دورك الأساسي
مهم تعرف ايش هي مسؤولياتك؟ مين يهمه عملك؟ وكيف راح يتم تقييمه؟ وغير كذا لازم تعرف مين تعتمد عليه في إنجاز هذا العمل. باختصار، يكون عندك فكرة صحيحة ومنسجمة عن نظام عملك، وتفهم تأثير عملك على خدمة المنظمة.
❷ ثانيا، بناء أهداف مشتركة.
يعتمد النجاح التنظيمي على عمل أعضاء فريق العمل والتعاون للوصول لهدف يتوافق مع الطرفين. وعشان ينجح هذا الشي الجميع لازم يكون عنده صورة كبيرة يفهم من خلالها كيف يتعامل مع الفريق وادارة نفسه ذاتيا، ويوفق بين اهدافه واهداف المنظمة. راح يسمح هذا الشي بأنك تثبت على المسار الصحيح ويكون عندك رؤية واضحة لإيش قاعد تعمل.
❸ ثالثًا، تعيين خطط استراتيجية.
عملية التخطيط الاستراتيجي تتضمن تحديد الأهداف طويلة الأجل والمتوسطة والقصيرة. وضوح الرؤية وفهم عملك مهم جدا، لانك ببساطة تدعم تنفيذ الهدف بشكل أسرع وتختصر عليك كثير من الأخطاء الي قد تقع فيها نتيجة عدم التخطيط الجيد.
❹ رابعا، تحديد الأولويات.
الان بعد ما عرفت ايش العمل والمهام المكلف فيها، تحتاج تحديد أولوياتك عشان تقدر تحقق هذه الأهداف. هالشي يساعد في ضمان وصولك للمهام والمشاريع الأكثر أهمية، حتى لو ظهر فجأة متطلبات جديدة على وقتك راح تقدر تتعامل معها وتحقق أكبر قدر من المنجزات المهنية.
❺ خامسا، الوعي الذاتي والتنظيم العاطفي
قدرتك على الوصول لعمق أفكارك ورغباتك ومشاعرك بوعي، شرط أساسي لتنظيمها. وهذا بدوره راح يساعدك بالتحكم في سلوكياتك وردود أفعالك، لأنه يؤثر بشكل مباشر على أدائك ونظرة الآخرين لك.
❻ سادسا، الرعاية الذاتية.
الشخص الوحيد الي ممكن يكون مسؤول عن رعايتنا هو أنفسنا.
النمو والازدهار يبدأ برعايتنا لأنفسنا. الكثير يعتقد ان خدمة الآخرين هي الاساس، او التضحية بالنفس شيء مهم، والتفكير بالنفس يدل على الأنانية. الحقيقة هي اننا بحاجة نكون في أفضل حالاتنا، عشان نقدر نبذل أكبر قدر من الجهد الي نقدر عليه، وهذا الشي ماراح يتحقق إلا إذا مارست الرعاية الذاتية.
أخيرا، يقول أحد الفلاسفة “من يعرف كيف ينتصر على نفسه لا يُهزم أبدآ” 💡
مهارة الإدارة الذاتية وضبط نفسك بشكل يتوافق مع أهدافك وطموحاتك من مفاتيح النجاح، وتذكر إنها مهمة غير مستحيلة. لان دافعك و رغبتك في النجاح اقوى. 🚀
.jpg)
